Ñee runi respetárcabe xcaadxi religión la?

Laadu, ca testigu stiʼ Jehová, rinándadu conseju ni zeeda lu Biblia riʼ: «Laguni respetar irá binni» (1 Pedro 2:17). Runi respetardu guiráʼ binni, neca gadxé ni runi crecaʼ. Ndaaniʼ caadxi guidxi nuu gayuaa mil Testigu, peru qué huayúnidu xiixa para gucaʼdu ca políticu o ca legislador gucueezacaʼ ni runi xcaadxi religión. Laaca qué huayúnidu xiixa campaña para quíxhecabe ley ni gucaa binni chinanda cani runi credu ne cani rúnidu. Rudiʼdu xquíxepeʼ saca runi respetar binni laadu ne laaca rúnidu stipa pur guni respetardu laacaʼ (Mateo 7:12).