2. Reinu stiʼ Dios zuni ni jneza. Jesús guníʼ zabee Reinu stiʼ Dios tobi de ca cosa ni jma feu guca dxiqué: ni biʼniʼ Binidxabaʼ ora guníʼ mal de lá Dios. Ximodo zaca nga yaʼ. Zusisácani, o zusiani lá Dios de guiráʼ ca cosa feu ni caníʼ binni de laa dede dxi bicaalúcabe laa ndaaniʼ jardín ni guyuu Edén que (Mateo 6:9, 10). Laaca bisihuinni Cristu, ora maʼ cayuni mandar Reinu ca maʼ guirutiʼ tu zuni menu binni, purtiʼ laabe bisiidibe hombre ne gunaa, binni ni napa bidxichi ne ni qué gapa, qué nibibe tu nusiidibe. Ne neca ca israelita que nga zeeda gusiidibe, laaca gucanebe ca samaritanu ne ca binni ni cadi naca judíu. Gadxepeʼ gúcabe de ca xaíque yuʼduʼ ni guyuu dxi bibánibe que, purtiʼ laacaʼ nisi riníʼ íquecaʼ mal de ca binni que ne gulicaʼ tu gucanecaʼ.

26. Bizulú Jesús guníʼ de Reinu stiʼ Dios

27. Gulí Jesús doce apóstol ne bidii libana lu ti dani 31