Ximodo gucaadiáganu Dios

Ora ridúʼndanu Biblia casi ñaca niniʼné Dios laanu (2 Timoteo 3:16)

Biquiiñeʼ Dios caadxi hombre para gúdxibe laacaʼ xi gucaacaʼ lu ti libru ni láʼ Biblia. Luni zeeda stale cosa nabé risaca, ne Dios racalaʼdxiʼ gánnanu cani.

Guirutiʼ nannaʼ biaʼ nanna Dios. Laabe nánnabe xii nga ni jma galán para laanu. Pa gucaadiáganu ni gábibe laanu, zácanu binni nuu xpiaaniʼ (Efesios 1:17; Lucas 11:28).

Laabe racaláʼdxibe guʼndaʼ guiráʼ binni Biblia. Nga runi huatiixhicabe ni lu stale diidxaʼ.

Pa racaláʼdxinu gucaadiáganu Dios, napa xidé guidúʼndanu Biblia ne guiene chaahuinu ni.

Binni de guiráʼ xixé guidxi caziidicaʼ de Dios (Mateo 28:19)

Ca testigu stiʼ Jiobá zanda gacanecaʼ lii guiéneluʼ Biblia.

Lu guidubi naca Guidxilayú rusiidicabe binni ni dxandíʼ de Dios.

Pa cheluʼ ra ridagulisaa ca testigu stiʼ Jiobá jma zaziidiluʼ de Dios. Qué zaguíxeluʼ para gusiidicabe lii.