Racané ca ni bizáʼ Jehová laanu gánnanu guizáʼ nuu xpiaanibe

¿Ñee dxandíʼ nga nanna Jehová xii nga ni jma galán para laanu la? ¡Dxandíʼ pue! Pa nuunu seguru zacá ni, zudiʼnu lugar gacané Jehová laanu ne zácanu binni nuu xpiaaniʼ (Pr 16:3, 9). Zándaca gaca nagana para laanu chinándanu ca conseju stibe pa maʼ gadxé modo riníʼ íquenu. Peru zuni crenu nuu xpiaanibe pa guiníʼ íquenu lu ca cosa ni bizaʼbe (Pr 30:24, 25; Ro 1:20).

DESPUÉ DE GÚʼYALUʼ VIDEU NI LÁʼ ¿ÑEE NUU TU BIZÁʼ NI LA? ¿XIÑEE QUÉ RIDXELASAA CA BIRÍ CA ORA MAʼ CANAZACAʼ?, ZANDA GUICÁBILUʼ CA PREGUNTA RIʼ:

• ¿Xi runi ca birí ca guiráʼ dxi?

• ¿Xi runi ca birí ca para cadi cuezadxicaʼ ora maʼ zizacaʼ?

• ¿Xi zanda guizíʼdinu pur modo rizá ca birí ca para gúnicaʼ dxiiñaʼ?

DESPUÉ DE GÚʼYALUʼ VIDEU NI LÁʼ ¿ÑEE NUU TU BIZÁʼ NI LA? MODO RIPAPA BIZU NECA RECIU NUU BI, ZANDA GUICÁBILUʼ CA PREGUNTA RIʼ:

• ¿Xiñee nagana nga guipapa ti avión ni nahuiiniʼ?

• ¿Xi runi bizu riʼ para cadi guiaba?

• ¿Xi zanda guiziidiʼ binni pur modo ripapa bizu riʼ?

Ora ruuyaluʼ ca ni bizáʼ Jehová ni nuu neza ra nabézaluʼ, ¿xi maʼ biiyaluʼ ni rusihuinni guizáʼ nuu xpiaaniʼ Jehová?