Torre de Babel

Gudiʼdiʼ si Diluvio que, gupa ca xiiñiʼ Noé stale xiiñicaʼ. Biroobaʼ familia stícabe ne yendézacabe gadxé gadxé lugar, casi biʼniʼ mandar Jiobá laacabe.

Peru guyuu caadxi familia ni qué nuzuubaʼ stiidxaʼ Jiobá. Laacaʼ guniʼcaʼ: «Guiaananu raríʼ, gúninu ti guidxi ne ti torre ni chindá dede guibáʼ, zacá zuuyacabe laanu casi binni ni jma risaca».

Qué ñuulaʼdxiʼ Jiobá ni cayuni ca binni que, ngue runi bicueezabe laacaʼ. ¿Nánnaluʼ ximodo la? Ni bíʼnibe nga bicaabe laacaʼ guiniʼcaʼ gadxé gadxé idioma. Gulee lácabe guidxi que Babel, significadu stini nga «ni ruchenda». Cumu maʼ qué ñenesaacabe la? biaanadxí de nucuícabe torre que ne bireecabe de raqué, zindézacabe gadxé gadxé lugar. Peru neza ra zécabe que biʼnirúcabe cosa malu. ¿Ñee rábiluʼ guyuuruʼ binni gunnaxhii Jiobá tiempu que la? Zadúʼyanu ni lu sti capítulo ca.