Gupa paciencia

Ni biʼniʼ Jesús

VIDEU: Gupa Jesús paciencia biʼchiʼ ne gucanebe laa

1. Biiyaʼ VIDEU RIʼ o biindaʼ Juan 7:​3-5 ne 1 Corintios 15:​3, 4, 7. Despué guníʼ ique ni ná ca pregunta riʼ:

1. ¿Xi guníʼ ique ca biʼchiʼ Jesús de laa?

2. ¿Ximodo nánnanu qué niníʼ ique Jesús maʼ qué zuchaa Santiago?

¿Xi rusiidiʼ ejemplu stiʼ Jesús laanu?

2. Nuu binni casi zeʼ riná gucaadiaga ca noticia galán, peru nuu binni coʼ, nga runi caquiiñeʼ gápanu paciencia.

Yenanda ejemplu stiʼ Jesús

3. Biyubi modo guiníʼneluʼ laabe. Pa qué naʼ ga binni ca guicaa estudiu, cadi guni insistirluʼ laabe. Pa zanda la? biquiiñeʼ videu o xcaadxi información para guluiʼluʼ laabe ximodo rudiʼnu binni estudiu ne ximodo zanda gacané ni laabe.

4. Cadi guchaagaluʼ laabe né sti binni. Gadxé gadxé nga cada binni. Pa qué naʼ ti familia stiluʼ o ti binni ni nuu lu territorio guicaa estudiu o qué naʼ chinanda tobi de ca cosa ni rusiidiʼ Biblia la? guníʼ ique xiñee qué nabe. ¿Ñee purtiʼ runi crebe ni rusiidiʼ xiixa religión la? ¿Ñee cucueeza ca vecinu o ca familia stibe laabe la? Bidii lugar guiníʼ íquebe de ni maʼ biziidibe ne zándaca despué maʼ zusisácabe ni rusiidiʼ Biblia.

5. Guniʼné Jehová de laabe. Gunabaʼ Jehová gacané lii cadi guireeluʼ gana ne guyúbiluʼ modo guiníʼneluʼ binni ca. Laaca zanda guni orarluʼ Jehová para gacané lii gánnaluʼ pora nga zanda gusaana de chigánnaluʼ tuuxa ni huaxiéʼ caguu gana guiziidiʼ (1 Cor. 9:26).