«Rinanda nu ni runi cre nu ne cadi ni riduʼya nu»
Caadxi iza ante cúʼcabe leʼ Jerusalén ne gunitilúcabe laa, bicaa apóstol Pablu ra nuu ca xpinni Cristu ne gúdxibe laacaʼ zadxaagalucaʼ guendanagana ne cadi naquiiñeʼ guiníʼ íquecaʼ gápacaʼ cosa risaca o gúnicaʼ ni riuuláʼdxicaʼ cásica runi ti soldadu (2 Tim. 2:3, 4). Yanna ra maʼ zeeda dxiña yuubaʼ stiʼ guidxilayú zuxeleʼ de Dios riʼ, naquiiñeʼ gápanu fe para cadi gusaana de gúninu ca cosa ni rinabaʼ Dios laanu (2 Cor. 4:18; 5:7). Biiyaʼ videu ni láʼ: «Rinanda nu ni runi cre nu ne cadi ni riduʼya nu», (zadxeʼluʼ ni lu sitiu www.pr2711.com/zai ra na LIBRU NE REVISTA > VIDEU). Biiyaʼ ximodo beeda gaca ca cosa risaca nuu lu Guidxilayú riʼ ti trampa para Nadab ne Débora dede biníticaʼ xquendanabánicaʼ. Yanna, bicabi ca guendarinabadiidxaʼ riʼ.
1) Xii nga beeda gaca «dxa ni runi yuudxu» ni zuhuaa «lugar ra jma risaca» lu primé siglu que, ne xi biʼniʼ ca xpinni Cristu de Jerusalén (Mat. 24:15, 16). 2) Xiñee biquiiñeʼ ca binni que fe para bireecaʼ de guidxi que. 3) Xi sacrificiu bíʼnicabe. 4) Xiñee jma bindaa Nadab ne Débora para bireecaʼ (Mat. 24:17, 18). 5) Xi sti guendanagana bidxaagalú Raquel ora bisaana Jerusalén (Mat. 10:34-37; Mar. 10:29, 30). 6) Ximodo bisihuinni Jafet napa fe ne confianza Jiobá. 7) Xi guendanagana bidxaagalú ca xpinni Cristu guidxi Pela. 8) Xiñee maʼ qué ñaca fe stiʼ Nadab ne Débora naguidxi. 9) Ximodo gupa Jiobá ca xpinni Cristu de guidxi Pela (Mat. 6:33; 1 Tim. 6:6-8). 10) Ximodo zanda chinándanu ejemplu stiʼ Abrahán ne Sara ra mayaca guinitilú guidxilayú riʼ (Heb. 11:8-10). 11) Xiñee bibiguetaʼ Nadab ne Débora Jerusalén, ne xiñee gudxítecabe laca laacabe ra bíʼnicabe ni (Luc. 21:21, TNM). 12) Ximodo nabani binni Jerusalén ora bibiguetaʼ Nadab ne Débora raqué. 13) Xiñee naquiiñeʼ guquídxinu fe stinu yanna, ante gueeda fin (Luc. 17:31, 32; 21:34-36).
Gápanu fe riníʼ ni 1) gápanu confianza Jiobá, 2) gudiʼnu lugar gábibe laanu xi gúninu ne 3) guicá íquenu gúninu ca cosa ni rinábabe laanu que guicá íquenu gápanu cosa risaca. ¡Gúninu stipa pur gápanu fe ne gúninu ni na Dios! Purtiʼ 1 Juan 2:17 na: «Canitilú guidxilayú ne irá ni nuu ndaani ni que, peru qué ziuu dxi initilú ni guni ni na Dios».