Ginipai Mbori Akpinyemuhe?

Mbori naida ani raki rogo pazereda na ngbarago nyeanye kindi rogo paradizo auru kpotosende!

Ono tie, mo rengbe ka baka kina bangiro nga, ‘Wai rengbe gipai re ka manga?’ Ziazia Kekeapai nagumba gupai nga ga Mbori Kindo nika sa gipai re si mangi, na ga Mbori ringbisapai du ngaha nga aboro dunduko wirikipai tipa gako Kindo na gako ringbisapai tipa rani.​—Atambuahe 37:11, 29; Yesaya 9:7.

Mbori naida ani gbia ngbarago.

A wa wene baagude naaida wene apai tipa awirini, kinawo gu barani nga ga ngbangbaturũ ko akpinyemu ani gbia nyenye ngbarago. (Yesaya 48:17, 18) Mbori kidohe nga, guni ‘kaa manga gupai Ko akpinyemuhe ní nye anye kindi.’​—1 Yoane 2:17.

Mbori naida ani peke gako agene.

Ziazia Kekeapai nayawee Bakusirani naida ka “raba rani na gako asino” tipa wa ka ani ‘apeka gako agene.’ (Yesaya 2:2, 3) Ko ima mbakada aboro “sa rimoko” tipa i yugu gupai ko akpinyemuhe rogo zegino dunduko.​—Amokedi 15:14.

Mbori naida ani irisiko nikodikodirani.

Ziazia irisombori akparakanga aboro te, ono si nakpamiayo rogo ndikidi nyemuse. (Yoane 13:35) Ada duho areme nayugopai fu akumba na adee rogo arago dunduko tipa i naairiso Mbori nikodikodiyo? Mo nika inopa agu aboro re rogo gi burosua re.