Atingidapai

◼ Agu awaraga ani ka kparakaha rogo Marungu: What Does the Bible Really Teach? Si naida abatungusipai asaditiyo ka tona wisigo Ziazia Kekeapai na gu boro fuuyó buku funi singia na gu boro naima gbia gu buku re. Zerekpe na Merekoko: Ngbaõbambu Sinziri na Awake. Ho oni ka karaga tironi ni fuo agu aboro oni afura naayó gbiati aguyo naye kupati Tingida Pakpio Yesu watadu aguyo ninaaye aye tipa adunguratise ono angianga dedede ya, oni asadi ka fu gu buku fuyó nga What Does the Bible Really Teach? na gu sásá nga ga tona wisigo Ziazia Kekeapai naayó. Banzinga: What Does the Bible Really Teach? Ka si du nga gu boro gbia oni ní ní aima gbia gi buku re, oni fu gu funi nga Inohe watadu gu nga Worship the Only True God , watadu gu burosua nga Gine Mbori Akpinyemuhe Be Rani.

◼ Ho oni ka gbia gu vovo Ngbaõbambu Sinziri na Awake! ni re, si naida oni kparakaha fu abatungusipai tipa i gedihe wa ka i rugutiyo na agu apai du rogoho mbata fu i tona kparakaha gene tungusapai yo.

◼ Tingida Pakpio Yesu nika manga Rago Ue Sunge rogo Marungu ti rameru 30, 2010. Agu abia ani ka bihe ti regbo Tingida Pakpio Yesu nga namba 8 na 109 rogo vovo buku bia. Ka si du nga gaoni dungurati naamanga adunguratise Rago Ue Sunge, si naida oni mangi asadatise tipa ka ariaha regbo gaoni dunguratise kurogo gu kura uru. Ono ka si dunga dungu adungurati ninaamanga adunguratise tii bangisa Bambu Kindo sa, ka gene adunga beroni tipa ka aria regbo adunguratise ya, oni rengbe arengba ka zanga manga gu dunguratise re. Ono kangia oni ima aria regbo adunguratise, oni rengbe ka manga agu apaparaha du rogo Gu Dunguratise Nga ga Sunge rogo gu kura dunguratise oni nika mangaha.