Ziazia Kekeapai​—Gu Ome Duhe Nani Rogo Gaoni Raka

Ziazia Kekeapai ima undo dungu amirioni aboro tipa i mangi ariapai rogo gayó raka wa ka si da niwenehe. Gini bangua arugute duho rogo Ziazia Kekeapai nga gu ka ani mangisunge nani si ki undo rani tipa ani sovura kuti agu akpakarapai nakura areme? Zanga kapa, rago nika ngba angba tironi ka gbia karagapai kuti gi sanahe re nibi oni gu ue riipai nga The Bible​—Its Power in Your Life rogo gu DVD du rimoho nga The Bible​—A Book of Fact and Prophecy. Ya mo oni rengbe ka karagapai kuti agi asanahe re fuo bi oni gu vidio re?

(1) Tipagine rengbe ani ka ya ti ni wee, anga Ziazia Kekeapai gbua ni gu bawene buku du na zegino abuku rogoho te? (Eb. 4:12) (2) Ka si du nga Ziazia Kekeapai rengbe arengba ka undo aboro i mbakadi gayó raka, tipagine du aboro ti ni na dungu kpakaraapai? (3) Gini banguapai Ziazia Kekeapai afura tipaha? (4) Gini averesi i nagumbapaha rogoho nga gu rengbe ka undo arogotise (a) i nifura dagbatiyo wenengai, na (b) i ini wai ka za tiyo ti zinga? (5) Gu bipai du Kristano nani tipa rogatise, wai rengbehe ka ye na beedi ariapai kurogo gayó ramukporo? (Ef. 5:28, 29) (6) Wai gu Yekova namoi wene kpiapai fu avunguagude? (Marako 1:9-11) (7) Wai rengbe avunguagude ka sa gu wisigopai nga ga aborokporo si du niguhe nika ngbaangba ti aboro dũ? (8) Kupati wisigo Ziazia Kekeapai, gini kurapai Fugo Mbori afõngbadu avunguagude yo i mangihe fu awiriyo? (9) Wai rengbe agu arugute nga ga Ziazia Kekeapai ka undo aborokporo ka i naabakanga bangiriyo gbe tipa zingo marã ya? (10) Gini arugute nga ga Ziazia Kekeapai du tipa girisotise, ingamangasunge na dawa gbiati buda nga gu ka boro mangipai kutini, si undo ní aundo ti agu akpakarapai rengbe ka fuda kpotoni? (11) Gini akidohe nga ga Ziazia Kekeapai rengbe ka ngarasa rani? (Eyo 33:25; Tam 145:16) (12) Wai gu yugopai du rogo Fugo Mbori amangi ariapai rogo gaoni raka yo? (13) Wai rengbe oni ka mangasunge na gi vidio re tipa ka undo kura aboro?