Atingidapai
◼ Agu awaraga ani ka kparakaha rogo Marungu: What Does the Bible Really Teach? Oni mangi nyanyakii asadatise tipa ka tona wisigopai na aboro rogoho. Zerekpe na Merekoko: Agu amagazini nga Ngbaõbambu Sinziri na Awake! Ka oni gbia gu boro du na nyemupai, oni fu gu trakte funi nga Ya Mo Oni Nakpinyemu ka Ino Rengo? na ki mangi nyanyakii asadatise tipa ka tona wisigo Ziazia Kekeapai na ní. Ho oni akaraga tironi ni ka bi agu aboro oni afura naayó, kodihe na aguyo oni ayambu yó sa Tingida Pakpio Yesu watadu gu kura adunguratise nga ga dungurati, nga agu aboro ayengo dedede kurogo dungurati ya, oni mangi ome tipa ka tona wisigo Ziazia Kekeapai naayó rogo gu buku nga Bible Teach. Banzinga What Does the Bible Really Teach? Oni mangi nyanyakii asadatise tipa ka tona wisigopai na aboro rogoho kina ti gu bambata regbo oni nagbia yó. Ka si du nga gu buku re kina be gu irakporo re na ní aidanga na gupai nga ka wisigo Ziazia Kekeapai te, abatungusipai rengbe ka fu gu buku funi nga Inohe watadu gu burosua nga Gine Mbori Akpinyemuhe be Rani? watadu gu nga Keep on the Watch!
◼ Ka oni atungusapai fu gu boro nape pa aboro China, oni yugu gu kpewaraga funi rogo gu wiri tooni buku nga Good News for People of All Nations! du apa China rogoyo ue, gu kuraha nga Chinese (Traditional) (CH) gu kuraha kingia Chinese (Simplified) (CHS) tipa ka ino gu rengbe ní ka gedaha. Dedede, aboro gu ringara nga Hong Kong na Taiwan nageda gu nga Chinese (Traditional) (CH) na aboro gu ringara nga China kini gedi gu nga Chinese (Simplified) (CHS). Tipa guhe kadu wa vidio watadu agu awaraga i nadee fugoho kurogo akasete, oni sia kina gu fugo ka gu irakporo nga boro China re agiaha wenengai. Ono dedede, aboro gu ringara nga China na Taiwan nagiatiyo na gu pa-China nga Chinese (Mandarin) (CHM), baraho agu aboro-ringara nga Hong Kong agia tiyo ni na gu nga Chinese (Cantonese) (CHC).
◼ Gu ringbisapai du tipa gu vidio nga Jehovah’s Witnesses—Organized to Share the Good News, i nika mangaha ti regbo Gu Dunguratise Nga ga Sunge rogo Buza. Ka si du nga si beroni te, oni pehe fu dungurati tipa i sanahe tipaha niipo.