The Wonders of Creation Reveal God’s Glory

Dungu aboro nagbia ngbarago ho i angera ni kuti agu ahe Mbori akusihe. Ono kina bete aboro gbua ini gupai nga agu ahe re nasa rani ani ini badungu apai tipa Bakere Bakusiahe. (Rom. 1:20) Bakuru kusayo, Davide awirikipai tipa Yekova rogo Fugoko yo nga gu gako toro adu kugiipa kehe. Ono ko abi Yekova a na ki mbedi naako rogo agu ahe yo ko akusihe. (Tam. 8:3, 4) Gu vidio du rimoho nga The Wonders of Creation Reveal God’s Glory (Gu Iiriwo Ahe Mbori Akusihe Nayugopa Gako Taarimo), si naundo rani na awirani gbiati gaani abawiriki Ziazia Kekeapai ani kparia bete agu ahe Yekova akusihe, ki bi asino Bakere Bakusirani, na gipai re ki sa rani ani mbedi naako gbe. Fuo bi oni gu vidio re, oni bingo singia oni rengbe ka karagapai sa agi asanahe re.

(1) Wai bakio agu ahe du rogo haurago gbiati wai duhe nimbakadimbakadihe rogo abaha akiiso gaoni giarogopaiyo tipa Yekova? (Yes. 40:26) (2) Ho ani akparia ime ni gbe, ginipai rengbe ani ka wirikaha tipa gu boro nambakadihe? (Yugo. 14:7) (3) Wai bakio sende gbiati wai du baturoho ti uru ayugopa ga Yekova tatamana? (4) Gini sunge diwi amangaha? (Tam. 89:37) (5) Wai Mbori ambakadi aboro i gbia ngbarago agbia rogo raka yo? (6) Gine nga DNA? (Tam. 139:16) (7) Wai du aboro kia ti agu ahe dunduko Yekova akusihe ku auru kpotosende? (Bam. P. 1:26) (8) Ginipai oni amaabangironi tipaha kurogo vovo zegino?

Extra Features: (9) Wari arangi aye ni? (10) Ime naru wai ka ndu kurii angua yo? (11) Sunge ime nga gine tii kpotorani yo? (12) Oni funga akpiapai nga ga wai ungaahe amangapai wakina akuraha. (13) Wai gu ungaahe Mbori akusihe ainopa zio bakure na akuraha? (14) Gine nga “golden angle”?

Oni “Bi” Sabe Yekova: Yesu ayawee ani “bi azire ari yo” na ani “berẽ pa ranga ati yo” ka wirikapai ti ni. (Mt. 6:26, 28) Mangaha wo rengbe ka kiiso gaani idapase, ki nyakasi gaani kido kuti Bakusirani, na ki kiisi gaani giarogopaiyo tipa ga Yekova tatamana, ome, na nyemuse. Kuba gupai nga ka fu tirani sa kina agu asunge du rogo gi zegino re, si naida ani di regbo na omerani ka bi gu iiriwo ahe Yekova akusihe, na kini berãkurii gupai si ayugoho furani tipa gaani Mbori.—Tam. 19:1.