Young People Ask—What Will I Do With My Life? (Bambata Paparaha)
Ho paranga aboro asona ni kada nikuru aboro, nyanyakipa adiaberã kinaho si aida i mangihe. Tipa ka undoyo, i ambakadi gu vidio nga Young People Ask—What Will I Do With My Life? tipa yó. Ho mo arimiso gu DVD ni re kurogo gu he nazakaha, mo sia gu paparaha nga “Play Drama,” na mo kini ngere tipa akaragapai kuti agu asanahe du rogo ue genewaraga. Fuo gure, mo sia gu paparaha nga “Interviews” ki ru ki sia gu nga “Looking Back,” na ki asadi ka karagapai kuti agu asanahe du rogo gu biata genewaraga.
Drama: (1) Rogo gini agene agu apai naadu tipa Timoteo adu wa gu du tipa dungu agu aKristano nga paranga aboro areme? (2) Wai i asosodi Andre ko ndu kumbatayo na gako ambaro? (3) Ginipai gu wirina nangia Fleissig agumbaha fu Andre tipa (a) futise fu Yekova na futise tipa ambaro? (Mt. 6:24) (b) gu he naye na ndikidi ngbarago? (d) gupai gu gako saani naadu bataya ziziaboro yo atingida ko nani? (e) agu aboro du rogo sura naako gbiati diako? (f) singia ko abira tiko tipa agu apai ko ambuhe? (Frp. 3:8) (4) Wai tita Andre akaragapai sa gu sanahe ko kusihe nga, “Ya mo gberẽhe agberã fere mi asadi kadu nigu baoro oto rimoni nawo?” (Rk. 4:5-7) (5) Ya mo padu Andre nigu bambata boro nasusi rogo oto afu ndikidi ngbarago fuko? (6) Ginipai ngba tiro gbe rogo gu yangara waraga Fleissig akehe fu Andre? (Snz. 10:22) (7) Ginipai Fleissig aundo Andre ko inihe?
Looking Back: (8) Gini asunge gu wirina nga kumba na guri nga dee aaora fuoho, na tipagine? (9) Wai i asusi kumbatayo na gayo asunge re? (10) Gini bakerepai namangi rogo gayo raka nga gu nasa berãyo? (2 Kor. 5:15) (11) Gini asunge nga ga siokrasia nadiba agu asunge i amere fuoho mbata, na tipagine i abihe ti ni nga i arengbanga ka kakuti ni dunduko ue te? (12) Ya mo i abira tiyo mbiko gupai nga i ambu agu apai paha anyaki fuyo gbe rogo raka? (13) Gini apai i apehe nga gu sa ro gbe mo berẽkuriipa gupai si aida mo mangihe na gamo raka?
Oni bi agu apaparaha nga “interviews” na “supplementary material,” na ki mbakaditironi ka karagapai ho i nika sakapai ni tipaha rogo gu poso naye.