Ginipai Mo Nika Mangaha Ti Regbo Ongoda?

Wa duhe nga badungu aboro nidu kporo ti agu aregbo i afu ongoda tipa agu apumbo nga pambori watadu ga ringara, agu aregbo re nga wene regbo tungusapai furani. I nangarasa adungurati i mangi mbakadapai tipa ka manga dezirepai ti regbo ongoda. Ka si du nga badungu aboro nikaa zinga rameyo kusa, si aida gupai aida nga i aria regbo gu dunguratise nga ga tungusapai tipa aboro kuru gene tungusapai yo tigu regbo aboro naima zinga dunduko rameyo. I rengbe arengba ka manga tingidapai ti regbo gu Dunguratise Nga ga Sunge tipa gu mbakadapai duho tipa manga dezirepai ti regbo ongoda, na ki ngarasi aboro dunduko i tungusipai ti agu aregbo re. Rengo du ngaha nga agu aregbo re rengbe ani ka ongoda wenengai watadu ka manga kura gaani apai. Ono si angba gbe ka ani kpara gu regbo re tipa tungusapai. Ka ani mangihe wo, ani nika gbia gu ngbarago naye ti manga ziazia sunge.​—Mt. 11:29, 30.