Ya mo Mo Rengbe ka Sakapai Tipa Gamo Idapase?

Ka boro sana ro nga tipagine mo naidi ti ni kuti gupai nga Mbori du nakusi ahe, ginipai ka mo gumbaha? Tipa ka karagapai wenengai, si naida mo mangi apai ue: Ni bambataha, si naida mo idi kuti gupai nitiro nga i akusi ahe akusa nirengo. (Rom 12:1, 2) Fuoho tie, si naida mo berãkurii wai mo narengbe ka sakapai tipa gamo idapase fu kura boro.—Snz 15:28.

ONI BI AGU AVIDIO NGA, GU MUNGANGA NGA GA ANGBAZUNGA BORO NASAKAPAI TIPA GARI IDAPASE GBIATI GU KUMBA NAWISIGOPAI TIPA ANYA NASAKAPAI TIPA GAKO IDAPASE, NA FUOHO, ONI KI KARAGAPAI KUTI AGU ASANAHE DU KUSENDE RE:

• 

  Tipagine du Irène Hof Laurenceau naidi ti ni kuti gupai nga Mbori du nakusi ahe kuba gupai nga ka ida gupai nga ahe akuru nisaha?

• 

  Tipagine du Yaroslav Dovhanych naidi ti ni kuti gupai nga Mbori du nakusi ahe kuba gupai nga ka ida gupai nga ahe akuru nisaha?

• Wai gu rengbe mo ka sakapai fu kura boro tipa ndu gupai mo naidi ti ni kuti gupai nga Mbori nakusi ahe?

• Gini aũsunge naye rogo ga Yekova riigbu nga gu du rogo gamo fugo rengbe ka undo ro mo idi kuti gupai nga Mbori nakusi ahe dunduko na ki undo kura aboro i du na kina gu bangisa bipai re?