“Oni Báfu gu Kungba Ambori du Dagbaroni Kusayo”

Yakobo aima ino gupai nga Yekova naida na futise fu kina ko sa, wa si avura du vurũ nga Yekova aafunga andiko tipa irisokpiahe te. (Gate 20:3-5) Sidu, fuo Yekova ya fuko ko karagatiko ku Betere yo, Yakobo arugu agu aboro dunduko naadu na ko i bafu agu akpiahe naadu beyo kusayo. Fuo gure Yakobo aba agu akpiahe re kusayo kodihe na agu afongo tue i anaavoho si ni bandayo be gbegberẽ apai. (Bam. P 35:1-4) Nirengo, Yekova aima du na ngbarago na gupai Yakobo amangihe re.

Ti gi gaani regbo re, wai du rengbe ani ka ra nigorani fu kina Yekova sa? Gu gene rengbe ani ka mangaha ngbaha nga ka ne agu ahe du na ngbanya dagbaha na irisokpiahe gbiati sangbaatoro. Gipai re nakoda gbarasapa agu ahe dunduko du na ngbanya na sunge sangbaatoro na kini wisigi gaani aũngbarago. Ni kpiapai, mo sananga tiro nga: ‘Ya mo gimi sunge ningia kaa geda agu abuku watadu kaa bi agu avidio du tipa azaburu, yugo kangba aboro nga si nafura afura gbiati ome sangbaatoro? Ya mo gimi aũngbarago nafura tipa sunge abinza, sunge amangu, watadu nayugo sunge tiwa aboro nga si agberãnga te?’ Si naida ani du tuturũ ti agu ahe Yekova asogaha.—Tam 97:10.

ONI MOI GU VIDIO NGA “MO KA FU BAKITINGBANGA,” NA FUOHO, ONI KI KARAGAPAI KUTI AGI ASANAHE DU KUSENDE RE:

• 

  Gini kpakarapai namangi gu nawiriki Baibiri nangia Palesa?

• 

  Tipagine duhe ti ni ni patatamana ka gbata undo be abaakumba ka boro rimisi tiní ku rogo sangbaatoro?

• 

  Gini ngbatunga ahe si aida agu aboro naida na ga Yekova undo kparatiyo ti ni kusayo?

• Gini nyanyakipa pai Palesa amangihe?

• Rogo gu ba mo araka rogo, gini bete agene duho rengbe boro ka ne sangbaatoro ngbaha?