Aberãpai Tipa Wisigopai Nisase na gu Irisombori Nga ga Aborokporo

Anga kina gu yangara aba sa ani airiso Yekova rogoho nga ti regbo gaani adunguratise na ba bakere adunguratise yo te, ono ani nairiso ko airiso a ho du ani ni nisarani na ho du ani ni na gaani aborokporo. Bete aberãpai gere nga gu rengbe mo ka mangasunge na ni tipa gamo wisigopai nisase na tipa gu irisombori nga ga aborokporo:

• Mo mbakadi tiro tipa agu adunguratise nga ga dungurati. Mo ima rengba ka wirika agu abia du tipa dunguratise na ki undo gamo aborokporo dunduko i mbakadi karagapai.

• Mo gedipai tipa boro rogo Baibiri yo. Ti ngbafuo gure, mo ke sura gupai du tipa gu pangbanga mo nagedihe watadu ka ke gupai mo nawirikihe.

• Mo gedi gu kparakpee nga gu du rogo Baibiri yo, na ki sakipai tipa wai si narengbe ka undo ro mo mbakadi gamo gene kparakpee.

• Mo bi vidio rogo jw.org na ki sakipai tipaha na kura aboro watadu mo ke gupai sande mo nawirikihe rogo gu vidio re.

• Mo mbakadi tiro tipa sunge tungusapai, isoke, ka mangaha rogo mangimangi kpiapai.

• Mo bi kusikusiahe na ki berẽkuriihe watadu ki sakipai tipa gupai si ayugoho foro tipa Yekova.a