Agu Apai Ziazia Kekeapai Agumbaha Namanga Dunduko

Ziazia Kekeapai afuranga sa tipa kina agu apangbanga namangi mbata kusayo te, ono si nagumba agu apai agumba a nika manga ku mbatayo. Aboro arengbanga ka gumba agu apai du ku mbatayo te. Si ani aino gupai ti ni nga Ziazia Kekeapai aye be Mbori. Ginipai Ziazia Kekeapai agumbaha tipa ku mbatayo?

Si napepa gu bakere vura nga ga Mbori. Ti regbo gu vura re, Mbori nika dia gbegberẽ apai na gbegberẽ aboro dunduko kusayo, ono ki banda ruru aboro dunduko. Ga Mbori bakindo nga Yesu Kristo nika sa ga Mbori amoyambu i raki rogo zereda na ngbarago, na i awokanga berewe watadu ka kpi te.

Si naida aida nzunzu ani du na ngbarago mbiko gupai nga Mbori nika sa kpotosende si du ni paradizo berewe. Ono apai kinaho si aida ani mangihe ka ani aida ka raka rogo gu paradizo re. Rogo gu yangara pangbanga nga ga gi kitabu re, mo nika bi agu apai abi yo si aida ani mangihe tipa ka raka gu bawene raka du ku mbatayo tipa agu aboro namangapa Mbori. Sidu tie, mo gedinga MUAMBE Papara gi kitabu re ka inongo pa agu apai Ziazia Kekeapai akidopaha ku mbatayo.