Gu Kparatise Nga ga AKristano

1. Mbori amangi zegino

Ni bakerehe gbe,

Ko afu sende na ari,

Si nga sabeko dũ.

Ko a nafu ome unga

Ki ya fu aboro

Ko rẽ ani irisiko dũ,

Ko sa nga gaani Mbori.

2. Yesu azi bapatiza

Ka nyasa rurupai.

‘Mi ye ka manga gamo pai,’

Ko ape fu Bako.

Wa ko akuru ime yo

Ni mbedimbedi ko,

Nisisangba Yekova kindi

Ni gako ruru boro.

3. A’naye fuoro Yekova,

Ka taasa rimoro.

Nimbu tise nifu tise

Na ngbadurani dũ.

Mo afu bangisa Wiro,

Natumo rirani.

A’na ranga fu tirani te,

Kina foro sa kindi.