Ginipai Namangi Fuo Degayó Tuyo fu Satana?

Adamu na Eva abasasangba Mbori na ki kpiki. Bambata Pai 3:​6, 23

Eva adegeturi fu woo na ki ri gu zuzu ngua re. Fuani, ri ki fu gu kuraha fu Adamu, ko ki rihe a.

Gupai i amangihe re aarunga te, ingapai nangia gupai re. Mbori akusiyo kusayo rogo gu kpuyo nangia Paradizo re.

Raka ada nikpakarakpakaraha fuyó na awiriyo. I agbinza na ki kpiki. I aandunga kurogo ngbii atoro te, i ho areme ti ni berewe te.

Unga rogo kpikpi aboro yo te, i wakina nvutu sende adunga unga rogoho ya. Bambata Pai 3:​19

Ani nakpiko mbiko ani dunduko naenge ti Adamu na Eva. Kpikpi aboro angeranga te, i agianga pai te, na ka i mangingo wiripai a te.​—Batungusipai 9:​5, 10

Yekova aambakadanga aboro i nikpiki te. Ko nika zingisa agu aboro azingisa naongoda rogo kpio yo barambeda. Ka i degetuyo fuko, i nika raka araka nyeanye kindi.