Da Nangia Yesu?

Yekova akedi Yesu ku auru kpotosende no. 1 Yoane 4:​9

Ka ani aida ka manga gupai nika sa ngbarago ti Yekova, ani duwa ka ani degeturani a fu gu kura nyanyakipa boro. Mbata fu Yekova kusi Adamu, ko akusi maraika ngbangbaturũ yo nadu na bakere tandu tiko gbe.

Fuo bete regbo kusa, Yekova akedi gu maraika re ku rukumbu gu ngasu dee yo nangia Maria ri ki batika ko Betereme yo. I ayambu rimo gu gude re nga Yesu.​—Yoane 6:38.

Ho Yesu adu ni nikumba auru kpotosende ane, asinoko awiri kina boro ga Mbori nzunzu. Ko adu niboro nyemuse, boro weneringise, na nigu boro si adu fu aboro taata tipa i fura na ní. Ko ayugu gu rengo du tipa Yekova fu aboro zanga gunde.

Yesu amangi agu apai nangba angba ono aboro ki sogoko asoga. 1 Petero 2:​21-​24

Agu abarumbatayo rogo pambori nadu ti rago Yesu asogoko mbiko ko anaakusa gayó ziree yugopai gbiati gayó gbegberẽ gene raka gbaiga fu kura aboro.

Yesu anaahusa aboro be kaza na kini zingisi aboro bekpio.

Abarumbatayo rogo pambori azomia aRomo tipa i ta Yesu na ki imiko.