BIA 72
Yugo gu Rengo Nga ga Kindo
Gu du Tipa Kusaha ni Waraga
(Amokedi 20:20, 21)
1. Mbata ani ainongo
Wai ka ta ni Kristano te.
Yekova hasi rago,
Na gu rengo nga ga Kindo.
Ani ini gako gene
Ki inipa irisoko,
Na gako wene sino,
Na pa taasa ziazia rimoko gbe.
Aʼnamanga dezirepai,
Ro akporo na agene.
Aboro bi gu rengo tie;
Nafu ranirii fu boro.
Ani du na kodatise,
Ka tungusa pa Yekova.
Ani ka kuti ni gbe
Kina Mbori ki ya sunge rengbe.
(Mo bi gu kura averesi nga Yos. 9:9; Yes. 24:15; Yo. 8:12, 32.)