Tingidapai Fu Agu Aboro Ye Tipa Bakere Dunguratise

KPARAKPARA ADUNGARATISE SUNGE BETERE

Agu abatungusipai naima zio bapatiza tona garãyo ti 35 ka ye kusende nga aguyo nakpinyemu ka mangasunge Betere yo, i ima rengba mbakaditiyo tipa gu dunguratise nika manga Rago Bisue fuo bebere uru. I nika gumbapa gu ba agumba i nika mangaha rogoho na gu saa i nika mangaha ti ni.

GU SUKURU DU TIPA ABATUNGUSIPA KINDO Agu abazakigene du garãyo bangbanda 23 na 65 nakpinyemu ka kiiso gayo sunge fu Yekova, si naida i ye tipa gu dunguratise nga ga Gu Sukuru Du Tipa Abatungusipa Kindo nika manga Rago Poso tingbafuo bebere uru. I nika gumbapa gu ba agumba i nika mangaha rogoho na gu saa i nika mangaha ti ni. KA OMERONI BATINGO YA! Gu Bakere Dunguratise Nga ga aDezire Yekova Nga ga 2017 Gu Riigbu Bipasunge Nga ga ADezire Yekova Mangi Mbakadapai Tipaha

TINGIDAPAI FU AGU ABORO YE TIPA BAKERE DUNGURATISE

AGU ABORO NAMBAKADA BA ABORO Agi aboro re namangasunge ka undo roni. Si ngba angba oni mangipai kina kuti gupai i agumbaha nibipa rugusa aũnduge, rimo ku ba dunguratise yo na kura yo, dika abasungo tipa kura aboro, gbiati gu kura apai.

BAPATIZA Gu ba du tipa agu aboro nika zio bapatiza, ima dikaha, si nika du mbatayo barabangiri tambara. Agu aboro nika zio bapatiza, si naida i susungu rogo gu ba i nika siaha tipa yo mbata fu gu gumbapai nga ga bapatiza tona nga gu nika du Rago Nzengu wiso. Si naida boro boro ye na gani kitambara gbiati gu roko ngbaangba nga gu ni nika rindo na ni ku ime yo.

AGAMAHE Bakere marã du i namangisunge na ni tipa ka ye na abasungo, aũkiiso woro fugo, na ka manga kura apai tipa ani mangi gi bakere dunguratise re wenengai nga gu naundo rani ani mbedi na Yekova gbe. Gu gamahe oni afuhe naundo tipa ka gasa gi marã re na ka songoda gu sunge namanga rogo zegino dũ. I ima mamaa asanduki gamahe ba gi bakere dunguratise re nga gu rengbe oni ka ba gaoni gamahe ku rogo ka ngbaduroniyo idihe. Gaoni agamahe dunduko i adiaha na tambuahe. Riigbu Bipasunge nafu tambuahe afu furoni tipa gu gamahe oni afuhe si songodi gu sunge nga ga Kindo namanga rogo zegino dũ.

BA DAWA Oni ini gupai nga KINA AGU ABORO KAZA NASOYO BA BAKERE DUNGURATISE YO, i si aida i ndu ka sanahe yo tipa dawa.

AGU AHE INGI I KI BIHE Agu ahe dunduko oni nabihe ingi be airaha, oni ndu na ni ku rogo gu ba du rimoho kuari re. Ka si du nga he ingi beroni, oni ndu ka sanahe tipaha rogo gi ba re. Ka oni bi agu agude ingi be avungura, oni ndu na ami ku rogo gi ba re. Ono tie, si aidanga oni bi gi ba re wa gu ba i angerafuo agude rogoho te. Oni ngerefuo awironi wenengai na i sungu na kina roni.

BASUNGO Oni berẽpa kura aboro aberã. Oni tingidi gupai nga, oni rengbe ka dika basungo fu kina agu aboro oni aye na yo sa gene, agu aboro oni araka na yo sa kporo, watadu agu aboro nawisigo Ziazia Kekeapai na oni awere. Ka oni moingo gaoni ahe rii agu abasungo du pati roni ya.

UNDO SUNGE Ka si du nga oni naida ka undo sunge ba bakere dunguratise yo, oni gumbaha fu agu awirina du rogo gi basunge re tipa i yugu gu ba furoni si aida undo rogoho.