Yugopai Ngba Taata Gene

Gupai Yesu Amangihe

VIDIO: Yesu Nayugo Wai Barani Angerafuo Rani

1. Oni bi VIDIO, watadu oni gedi Matayo 6:25-27. Fuoho, oni ki sakipai tipa agi asanahe du kusende re:

1. Waigu Yesu ayugu wai Yekova angerafuo rani?

2. Wa vura duhe nga Yesu aima ino dungu apai tipa aziree, gini taata apai ko agbeberã ko kutini? Tipagine gipai re adu ti ni ni wene gene yugopai?

Ginipai Ani Awirikaha be Yesu?

2. Ho ani ayugopai ni ngba taata gene, aboro nika tingida gupai ani ayugoho fuyo na si ki zi ngbaduyo yo.

Oni Wiriki Yesu

3. Ka mo naafuranga gbe ya. Kuba gupai nga ka fura tipa agu apai dunduko ini moho tipa gu riipai re, si naida mo gbeberã ro gbe kina kuti agu apai du rogo gu waraga re. Tifuo mo sanahe, mo sungudi gamo bawirikipai ni zerangbaduse ni karagapai. Ka ni ainongo karagapai ya watadu ka ni pe gu bipai natagbagatihe na agu ayugopai nga ga Baibiri, mo mangisunge na gu kura asanahe berewe ka undo ni ni berẽkurii gupai re. Fuo gamo bawiriki Baibiri rugu tini na memepai, oni susi kumbatayo.

4. Mo mangisunge na agu apai gamo bawirikipai naima inoho ka undo ni ni rugutini na vovo apai. Ni kpiapai, mbata fu mo tona fugo tipa zingabekpio, mo ima rengba ka fugö betepai tipa gupai gamo bawiriki Baibiri naima inoho tipa gupai du tipa kpikpi aboro.

5. Mo mangisunge na akpiapai na rubangirise. Mbata fu mo mangisunge na akpiapai, mo sananga tiro nga:

1. ‘Ya mo gu kpiapai re taata?’

2. ‘Ya mo si adu taata fu gi bawirikipai ni gi rogoyo?’

3. ‘Ya mo si aundo gi bawirikipai ni tingidi memepai ​—angianga kina gu kpiapai re gbua ya?’