5 Mbori Naida na Airiso Dunduko Ya Mo Rengo Du?

Gupai oni avura giaha nga: “A wa dungu agene naandu kurogo bangisa ba sa, kinawo a dungu agene andu koyo du Mbori ni. Boro na boro si aida ní gbata gu gene ní aida ka ndu ngbaha ko yo du Mbori ni.”

Gupai Ziazia Kekeapai ayugoho: Si naida gaani irisombori du nga rengo, na ani ne gu mangaapai nga ga biriki. Yesu ape ndu gupai Mbori aká agu abarumbatayo rogo pambori naadu ti ragoko ti ni ki yaa: “Yesaya agumba pai tipa roni nga airabiriki ni rengo, wa du he ni keke he, ya ‘Agi aboro re i nairisa re kina ngbayo yo, ono kpotoyo yo ti re tuturũ.’” (Marako 7:6) Ono tie, anga pa irisombori nirengo nga gu bangisapai nika yugo gupai nga Mbori ima ida na gaani iriso te.

Yesu ayugu gipai re gbaiga nikusa ko agu aingahe ku yangura abarumbatayo rogo pambori gbiati gayo aboro anaamangaha rogo irisombori yo. Ko agumba gu sangba Ziazia Kekeapai tipa yó naya wee: “Ono i nauda re auda vurũ, niyugu gayo apai nga kina ga aboro rugute.” (Marako 7:7) Sunge aadunga ti gayo irisombori te, bambiko i aperesi kina pa sino aboro kumbatayo fu gupai Mbori akpinyemuhe.

Ziazia Kekeapai asongodanga gu bipai nga dungu agene nandu koyo du Mbori ni te, kuba gure, si nayugo gupai nga gene gbua kina sa. Matayo 7:13, 14 nayawee: “Oni rími rogo pangipangi ngbadimo; bambiko gu ngbadimo na gu gene nangbe koyo du kpio ni, si du ni kikii he, ni basisi he, dungu aboro narima koyo. Bambiko gu ngbadimo na gu gene nangbe koyo du unga ni, si du ni pangipangi he, ni fitikiri he, aboro nabi he ni kina umba yo.”

Wai ino rengo na rengbe ka undo roni: Oni berãnga pa gu gberarago ka oni du nani, ka sidu nga oni mbakadi tironi tipa abaangirã tipa adiwi, oni ki oro ki da nibambata boro, i kini ya furoni wee i afunga mosoroho furoni te mbiko oni kua ndiko sa nga gu oni aainonga pa tipaha ya. Oni rengbe ka bi tironi nga oni agberesi gaoni regbo agberesa gbua. Ya mo anga pai wakina gure rengbe ka manga tipa gaani irisombori te?

Gu mokedi nangia Pauro aringbisipa gaani irisombori kuti mbaro abaangirã ho ko akepai ni ki yaa: “Si ngia boro asadi ka susa ti mbaro, i afu nga kpakpari fu ni te, kina gu ka ni asadi he sangba rugute yo.” (2 Timoteo 2:5) Ani nangba bangiri Mbori ka ani airisoko ku “sangba rugute yo,” na kini mangi agu apai ngba tiko. Gu boro naora ato abaangirã arengbenga ka dia mosoro te ka ní kua andiko, kina gu bangisa pai re du tipa rani, ani arengbanga ka ngba bangiri Mbori te ka ani asadi ka sia gu gene ani airisoko ngbaha nitirani.

Tipa ka sa ngbarago ti Mbori, ani duwa ka ani banda gaani iriso zanga peziree tipa ko. Yesu ayaa: “Ndikidi aboro irisa ka irisa Mbori nga Ba ni ni toro na rengo.” (Yoane 4:23) Ani nawirikapai tipa ndikidi gene koyo du Mbori rogo Fugoko yo nga Ziazia Kekeapai.​—Yoane 17:17.a

[Gu rukutu kekeapai du bandu kpewaraga yo]

[Gu sura du ti kpewaraga 8]

Ya mo apambori dunduko nayugopai fu aboro tipa i irisi Mbori wai ko aidaha?