Agu Asanahe Ziazia Kekepai Akaragapai Kutini

Wai rengbe arogotise kadu na ngbarago?

Agu arugute Ziazia Kekeapai afuhe tipa rogatise naundo aundo mbiko si naye be gu boro Naenge mburu rogatise nga Yekova Mbori. Si nayugopai fu arogotise i du na agu asino rengbe ka sayo i du na ngbarago na kini za yó ti agu asino rengbe ka gbarasa gayo ramukporo. Si nayugo wai a rengbe arogotise ka fura dagbatiyo na kini gbia ngbarago.​—Oni gedi AKorosaio 3:8-10, 12-14.

Si naida arogotise niˈirisi tiyo airiso. Ka i amanga agu apai Mbori aida i mangihe rogo rogatise, i rengbe arengba kadu na ngbarago.​—Oni gedi AKorosaio 3:18, 19.

Ginihe nasa rogatise si nyeanye kindi?

Ka arogotise kpinyemu tiyo, i rengbe arengba ka raka kina sa. Mbori nayugo wai furani si aida ani kpinyemu akuarani. Ko gbiati Wiriko nga Yesu aima yugo gu ndikidi nyemuse si aida arogotise du na ni dagbayo.​—Oni gedi 1 Yoane 4:7, 8, 19.

Ka akumbakuadee na dereakumba abi rogatise nga ga Mbori mbakadapai du, i mbunga tiyo te. Mbori amangi rogatise si nyeanye kindi dagba kumba na dee tipa ramukporo du nibanda bandaha. Arogatise ima rengba ka raka nyeanye kindi mbiko Mbori amangi kumba na dee i niundo tiyo aundo. Ko amangiyo a rogo kpiako yo, na ki fu gu tandu fuyo nga i wiriki gako nyemuse.​—Oni gedi Bambata Pai 1:27; 2:18, 24.