Tipagine Aboro Naakparakpee Ti Ni?

Ya mo mo naakpara dedede? Badungu aboro ninaamanga wo dedede, zavura bete aguyo aidanga kuti Mbori ya. Ono tipagine aboro naakpara ti ni? I asasana aboro France yo badunguyo ki pe gupai nga i naakpara watadu ka berãkuriipai “gbua tipa ka gbia zereda kpoto­seyo.” A wa duhe tipa dungu aboro Putu yo, i akparanga ni irisombori te. Ono i naida “ka gbia zereda mbiko kpee.” Na tipa kura aboro nga aguyo naima ida kuti Mbori, i nakpara fu Mbori kinaho du yo ni rogo zingo, na kini idi ko karagapai fuyo ni ipo.​—Yesaya 26:16.

Na mo tigamo? Ya mo mo nabihe nga si naida mo nimangi kparakpee gbua tipa ka zereda kpotoroyo watadu berãro yo? Ka si du nga mo ima ida kuti Mbori, ya mo mo nabi gupai nga ko nakaragapai kuti gamo akpee? Watadu mo nabihe nga ko akaragapai sa gamo akpee te? Ziazia Kekeapai rengbe ka undo ro mo nibi kparakpee ni guhe rengbe ka mbedisa ro na Mbori.