AGU APAI NANDU NA GUPAI DU TI KPOTOHO | Ya mo Satana Nga Ndikidi Boro?
Ya Mo Satana ti ni Nzunzu?
Kpia Satana wa ko aati
ROGELIO aya: “Mi asona rogo gbata nga El Salvador. Ho mi adu ni ni keretukeretu gude, nina aniya fere wẽ, ‘Bakitingbanga nika ye ka dia ro!’ Na mi anikaragapai nga ‘Ko ye!’ Mi naida kuti Mbori angianga Satana ya.”
Ya mo mo idi kuti ga Rogelio pai? Gini bipai dagba agi abipai re mo abihe nga si ru?
Satana nga ndikidi boro te; ko nga kpia gbegberẽpai.
Satana kina ti ni, ono ko aberãnga pa aboro te.
Satana nga boro ni toro du na bakere ome tiko namaapai kurii aboro.
Dungu amirioni aboro idi kuti agu abipai re dunduko. Ono ya mo si ni nyanyakipa pai ka ino gu bipai du ni ruruhe? Ka si du tie nga Satana ti ni te, gure naida ka ya i ima nanga agu aboro idi kuti gupai nga Satana kina ti ni. Ka si du nga Satana kina ti ni ono ko amaanga berãko fuo aboro te, gure tie nga dungu aboro na gunde beko gbua. Ono tie, ka si du nga Satana nga kere iraziree, gure nga ko ima gberã ki susi wai aboro aberãpa ko.
Ani wisigingo wai Ziazia Kekeapai akaragapai kuti agi asanahe re: Da nga Satana, kpia gbegberẽpai watadu boro ni toro? Ka singia boro nga ko, ya mo ko rengbe ka manga ro na gbegberẽpai? Ka si du wo, wai rengbe mo ka banda tiro beko?