AGU ASANAHE ZIAZIA KEKEPAI AKARAGAPAI KUTINI

Ya mo Yesu azingisi aboro be kpio nzunzu?

Yesu zingisi Razaro na ko nayambako ko kuru vuru murö yo — Yesu azingisi Razaro nakpi ki mangi arame biama ku murö yo

Ziazia Kekeapai nape gupai ziazia nga Yesu azingisi aboro be kpio. Anga agu apangbanga re nga paturẽ gbua te; nzunzu pai du namangi amanga rogo aba na ti aregboho ni bakiakia. Ni kpiapai, rogo gu garã nangia 31 Fuo Batika Kristo, bakere rimbasa aboro aguari na Yesu Kaparanauma yo ka ndu ku Naina yo. Ho i ada ni yo, i agbiatiyo na gu kura rimbasa aboro. Mo ima rengba ka ida kuti gu pa zingabekpio namangi ti gu regbo re bambiko si ni kekehe rogo Ziazia Kekeapai, na si amangi ku bangiri dungu adezire.—Oni gedi Ruka 7:11-15.

Yesu azingisi bakureako nangia Razaro nakpi ki mangi arame biama ku murö yo. Mo ima rengba ka ida kuti gupai Yesu amangihe ni gu uru re bambiko dungu aboro nabihe.—Oni gedi Yoane 11:39-45.

Tipagine Yesu azingisi aboro ti ni?

Yesu azingisi aboro bambiko ko adu na nunga yo. Ko amangihe wo ka yugo na ni nga Bako nga Bafu unga, aima fu ome fuko kurii kpio.—Oni gedi Yoane 5:21, 28, 29.

Agu azingabekpio Yesu amangihe nafu kido furani kuti gu gako akidohe nika manga ku mbatayo. Ko nika zingisa dungu aboro, kodihe na gu irairayo ainongo pai tipa Mbori ya. I nika fu momu fuyo tipa i ini Yekova Mbori na ki kpinyemuko.—Oni gedi Amokedi 24:15.

Ka oni aida ka ino kura apai tipa gipai re, oni bi kapita 7 nga ga gi buku re, si nga gu buku aDezire Yekova akusaha

Oni kusihe rogo gaani bangiriba nga ga Internet nga www.jw.org/zne