Ginipai Ziazia Kekeapai Agumbaha?

Gine Nga ga Mbori Kindo?

KURA ABORO IDI KUTI GUPAI NGA si naru kuba gu ome nga ga Mbori du kpoto aboro yo; kura aboro naberã gupai nga, si nga gu ome wiri aboro amangaha tipa ka ye na zereda gbiati kodatise. Ga mo bipai nga gine?

GUPAI ZIAZIA KEKEAPAI AGUMBAHA

“Mbori ngbangbaturũ amáa gu ngbi nga gu ka i agbárasa nga ha wa sa ya. . . . Si akúadi agi angbi (gu zogarago nga ga wiri aboro) re rukutu ki digisi he dunduko.” (Daniere 2:44) Ga Mbori Kindo nga ndikidi zogarago.

GU KURAAPAI ANI AWIRIKAHA ROGO ZIAZIA KEKEAPAI YO

• Ga Mbori Kindo nazogarago ngbangbaturũ yo.​—Matayo 10:7; Ruka 10:9.

• Mbori nika mangasunge na gu Kindo re tipa ka sa gupai ko akpinyemuhe si mangi auru kpotosende ane.​—Matayo 6:10.

Gini Regbo ga Mbori Kindo nika ye ti ni?

MO RENGBE KA YA?

• Boro ho inihe te

• Barambeda

• Si ayengo berewe te

GUPAI ZIAZIA KEKEAPAI AGUMBAHA

“Gi wene pangbanga nga ga ngbi re i atungusa ha rogo zegino dunduko mbiko ndika fu arikaaboro dũ; ragoho ki digi adiga.” (Matayo 24:14) Fuo tungusa yo pai rogo zegino dunduko, ga Mbori Kindo nika ye ka digiso gi gbegberẽ sino raka re.

GU KURAAPAI ANI AWIRIKAHA ROGO ZIAZIA KEKEAPAI YO

• Anga boro ho sa auru kpotosende ini gu regbo nzunzu ga Mbori Kindo nika ye ti ni te.​—Matayo 24:36.

• Gu sangbaanebi nga ga Ziazia Kekeapai nayugo gupai nga ga Mbori Kindo nika ye bara mbeda.​—Matayo 24:3, 7, 12.