Gu Bangua Sino Nga ga Wene Bayugupai

1. Ginihe nga bangua sino wene bayugupai?

¹ Ginihe rengbe ka sa boro ní du niwene bayugu Fugo Mbori nga Ziazia Kekeapai? Wirikapai nga ga sukuru? Ima kuti sunge tungusapai? Gu tatamana i avungu boro nani? Ka pepai nirengo, si nga gu bangisapai nga gu nayugo ga Yesu abawiriki, na si nga bangua sino sa dagba asino Yekova yo. (Yo. 13:35; Gara. 5:14; 1 Yo. 4:8) Si nga nyemuse. Wene abayugupai nayugo nyemuse.

2. Tipagine nyakipa padu na nyemuse ti ni tipa aboro?

² Oni Kpinyemu Aboro: Gu Bakere Bayugupai nangia Yesu ayugu nyemuse tipa aboro, na gipai re asa aboro i degetuyo fuko. (Rk. 5:12, 13; Yo. 13:1; 15:13) Ka ani aberãpa aboro, ani nimangi dezirepai ti ai gu regbo momu amanga. Apai wa rungosiro na gu zanga nyemu gaani pai du ti kura aboro rugusinga rani te. Ani yugu ndikidi nyemuse ayugo tipa agu aboro ani atungusapai fuyo, na kini aria sino gaani tona fugo si ndu na agu aboro ani agbiayo. Ani di regbo adia tipa ka mbakada gupai ani nika wirikaha na gaani bawiriki Ziazia Kekeapai angianga ka dia regbo sa kinaho ani awirikapai ni na yó ya.

3. Wai rengbe nyemuse tipa Ziazia Kekeapai ka undo rani rogo gaani sunge tungusapai?

³ Oni Kpinyemu gu Rengo Nga ga Ziazia Kekeapai: Yesu aima kpinyemu gu rengo nga ga Ziazia Kekeapai, na ko anaabihe wa ũkumuko. (Mt. 13:52) Ka ani duna nyemu rengo, ani nikaa fura tipa ha zaaza, na si rengbe ka fõngbadu agu aboro yo nagia gupai ani apehe. Gu nyemuse re nika undo rani ani berẽpa pa nyaka gupai ani atungusaha, na ki zanga kaa berã kina pa gu zangarengba du ani nani, na si rengbe ka sa rani ka ani naabakanga bangirani naapa gupai ani nika pehe gene tungusapai yo ya.

4. Wai rengbe ani ka sonosa nyemuse?

⁴ Oni Sonosi Nyemuse: Wai rengbe ani ka sonosa nyemuse tipa aboro? Niberã ani kurii gupai Yekova na Wiriko amangihe furani, na wai aboro angbuo rogo gu bitimo nga ga toro rogo gaani dagbarago. (Mk. 6:34; 1 Yo. 4:10, 11) Gaani nyemuse tipa gu rengo nga ga Ziazia Kekeapai nika sona ka si du nga ani nawisigo Ziazia Kekeapai dedede na kini berẽkuriihe. Nyemuse nga papara zuzu toro. (Gara. 5:22) Ani rengbe ka sana Yekova tipa gako ziazia toro tipa si undo rani ani sonosi gaani nyemuse. (Rk. 11:13; 1 Yo. 5:14) Zanga bipa gu wirikapai nga ga sukuru ani nawirikihe, gu bagizo regbo ani nadihe kurogo rengo yo, watadu gu tatamana i avungurani nani, ani ima rengba kadu niwene abayugu Ziazia Kekeapai ka ani duna nyemuse.