Kpia Wai ka Kparaka Amagazini

Tipa ka Tona Wisigo Ziazia Kekeapai na Aboro Rogo gu Bambata Rago Nzengu Nga ga Ngi

“Ani nakpinyemu ka sananga ro. Rimo Mbori nga da? [Oni mbu ní tipa ní karagapai.] Mo bingo gupai gi magazini re apehe.” Oni fu gu Ngbaõbambu Sinziri nga ga Ngi 1 funi, ki yugu gu kekepai funi du giihe yo, na ki wisigi gupai na ní du tii bambata umba riipai na ki gedi veresi kandara sa. Oni fu gu magazini re funi na ki mangi mbakadapai tipa ka ye berewe ka sakapai tipa gu sanahe ngbefuo gu oni nasakipai tipaha re.

Ngbaõbambu Sinziri Ngi 1

“Badungu aboro nafura tipa digido zegino. Ya mo mo nabihe nga digido zegino nga gu he si aida ani gunde behe? [Oni mbu ní tipa ní karagapai.] Ringbisihe kuti gupai gi veresi re apehe, aboro kinaho nika bata ho digido zegino nika da ni. [Oni gedi 1 Yoane 2:17.] Gi magazini re na agu akaragapai rogoho Ziazia Kekeapai afuhe kuti asanahe biama nga gu aboro naasanaha gbe nibipa digido zegino.”