Ya Mo Mo Amangasunge Nimoundo Abazakigene?
1. Tipagine du regbo Tingida Pakpio Yesu ti ni niwene regbo tipa ka kiiso gaani sunge tungusapai?
1 Regbo Tingida Pakpio Yesu nga gu wene regbo rengbe ani ka kiiso gaani sunge tungusapai rogoho. Si nga gu regbo rengbe ani ka berãkurii gu bakere nyemuse Yekova ayuguhe nifuko Wiriko nimotumo tumorii tipa rani. (Yo. 3:16) Gipai re nasa gupai nga ani du na bakere tambuahe kpotorani yo fu Yekova na ki sarani ani du na kakaka nyemu ka fura fu kura aboro tipa Yekova na gupai ko amangaha fu arikaaboro. (Yes. 12:4, 5; Rk. 6:45) Gu regbo re a nga gu regbo ani amanga tua tipa ka yamba agu aboro ani naini yó na agu aboro du rogo gaani dagbarago tipa i ye kadu na ani pati Tingida Pakpio Yesu. Tifuo Tingida Pakpio Yesu, ani ki asadi ka sonosa gu nyemupai du ti agu aboro naye tipaha. Ya mo mo akiiso ga sunge tungusapai nimanga mo sunge nimoundo abazakigene rogo Marungu, Zerekpe, na Merekoko?
2. Tipagine Marungu nikadu ti ni niwene diwi tipa ka mangasunge rogoru nimoundo abazakigene?
2 Mo Sa Marungu Nikparakpara Diwi: Marungu nikangia yangara wene diwi tipa ka mangasunge nimoundo abazakigene. Agu aboro nika hiiso fuomu, i nikadu na siapai beyo singia i naida ka tungusapai tipa asaa 30 watadu 50. Ka si du nga babi adungurati naye kurogo gaoni dungurati rogo gu diwi nga Marungu, amoundo abazakigene rengbe arengba ka sungo tipa gu dunguratise ko nika mangaha na abazakigene tona ti tonatonaha ki da ti digidoho. Gu tua i nika mangaha tipa ka yamba aboro tipa Tingida Pakpio Yesu nga gu nika manga Rago Ue, Marungu 26, 2013, i ima gizosi regboho ti gu nidumbata na si nika tona rogo Marungu 1. Kurigure, Marungu na digido aposo rogoru yo bisue. Si angba gbe ka oni wisigi gaoni apai ka bihe singia oni rengbe ka sa gu diwi nga Marungu u du nigu diwi du kia rogo gi garã re.
3. Wai rengbe ani ka manga mbakadapai tipa ka kiiso gaani sunge tungusapai?
3 Oni Mbakadi Tironi Awere: Awere nga gu regbo si aida oni wisigi agu apai du tipa roni ka bi agu aˈariapai si aida oni mangihe tipa ka mangasunge ni amoundo abazakigene. Si adu niwenepai ka aborokporo kodibee wa sa, sidu, oni di regbo ka sakapai tipa gaoni asásá na ki ringbisipa regbo ti regbo Gu Irisombori Nga ga Aborokporo. (Snz. 15:22) Ka gene adunga bero wa ka mo mangisunge nimoundo abazakigene ya, ka rago gberẽnga tiro ya. Ya mo mo rengbe ka manga ariapai rogo gamo ringbisa regbo mangaapai tipa ka tungusapai nigbangaha rogo agu aˈuru mo akura? Ya mo mo rengbe ka tungusapai rogo gu kura uru rogo poso?
4. Gini amaku ani ka gbiaha ka ani kiisi gaani sunge tungusapai rogo Marungu, Zerekpe, na Merekoko?
4 Wa ani ka kiiso gaani sunge tungusapai rogo Marungu, Zerekpe, na Merekoko, ani nika kiiso gu ngbarago ani agbiaha ti mangasunge fu Yekova na fu kura aboro. (Yo. 4:34; Amo. 20:35) Gu nyakipaha gbe nga, pa mbu ani pa kura gaani apai ka mangasunge fu Yekova naye na bakere ngbarago fuko.—Snz. 27:11.