Kpia Wai ka Kparaka Amagazini

Pangbanga Nga ga Kindo Na. 38

“Rogo zegino dunduko, ani nakparaka gi kpewaraga du na nyanyaki pangbanga rogoho re. Gamo gere.”

Tingidapai: Tipa ka kparakaha rogo gaoni dagbarago dunduko, si naida oni fura ni wiri guruhe. Kura aregbo kinaho du irakporo na nyemupai ní kini idi oni fura kindi ku mbatayo. Ka oni gbia ngbatunga boro wa gure, oni rengbe ka sana ní tipa gani berãpai nibipa gu sanahe du ti kpotoho na ki gedi agu akaragapai nga ga Ziazia Kekeapai nga gu du vuruhe yo na ka regbo du, oni ki wisigi gu riiapai du rogo gu trakte re. Mbata fu oni ndu, oni yugu gu sanahe funi du tii gu riipai nga “Mo Berẽnga Kurii Gipai Re” nga gu du giihe yo na oni ki mangi mbakadapai na ní tipa ka ye ka wisigoho.

Ngbaõbambu Sinziri Ngbangba 1

“Kuti gamo bipai, gini bakere zire duho i naagumbaha tipa Mbori? [Oni mbu ní tipa ní karagapai.] Ringbisihe kuti gupai du rogo Ziazia Kekeapai, Mbori naida aboro kpinyemuko na kini kido kutiko. [Oni gedi Yesaya 41:13.] Gi magazini re nakusa azire biata tipa Mbori ku yangura nga gu nasa aboro ka i mbedinga na ko ya.”