Kpia Wai ka Kparaka Amagazini

Yamba Aboro Tipa Tingida Pakpio Yesu

“Ani nakparaka waraga yambahe tipa nyanyakipa pai nga gu nika manga. Rogo Zerekpe 3, amirioni aboro rogo zegino dunduko nika dunguratiyo ka tingida pakpio Yesu Kristo na ki gi gumbapai du mburuhe rii Ziazia Kekeapai nga gu nika sakapa wai kpio Yesu aundo rani. Gi waraga yambahe re nayugo gu ba i nika manga gi dunguratise re rogoho rogo gi rago re na gu regbo si nika tona ti ni.”

Ngbaõbambu Sinziri Marungu 1

“I nika tingida pakpio Yesu Kristo rogo Zerekpe 3. Kura aboro nika dunguratiyo ti gi rame diwi re tipa ka tingida pakpio Yesu, ono kurayo kinaho nabihe nga kpio Yesu aadunga na nyanyakipa ha te. Ga mo berãpai nga gine tipa gipai re? Ya mo mo nabihe nga kpio Yesu gbiati gako zingabekpio naundo rani? [Oni mbu ní tipa ní karagapai.] Mo bingo gupai Fugo Mbori agumbaha tipa gipai re. [Oni gedi 1 AKorindo 15:22, 26.] Gi magazini re nafura tipa maku nga gu nika ye mbiko ga Yesu motumo tumorii ku mbatayo​—nga, regbo kinaho boro nikaa kpingo berewe auru kpotosende ya.”