Ya mo Mo Namanga Sunge na JW Library?

JW Library nga gu ba awaraga du rogo internet (software application) rengbe ka undo ro tipa mo kusi ahe gbua zanga marã wa Ziazia Kekeapai, avidio, na kura ambakadapai ku rogo gamo terefuni watadu gamo kompiuta.

WAI RENGBE MO KA GBIAHA: Mo ndu ku rogo internet ki rimisi JW Library du rogo gu ba igo ahe i ayambaha nga app store. Gi mbakadapai re ima rengba ka mangasunge rogo dungu ahe. Ho mo arimo internet ni, mo rengbe ka zaka gu mbakadapai re na ki sia agu ahe mo aida ka kusaha ku rogo gamo terefuni watadu kompiuta. Ka si du nga internet kpuro yo te, mo rengbe arengba ka gbia ha rogo kura aBambu Kindo nga du na internet rogoho, kua gu bakureamo du na ni kpuni yo, watadu gu kura aba du na internet rogoho du mbembedi na mo. Ho mo akusa awaraga ni rogo internet ku rogo gamo terefuni watadu kompiuta, mo ima rengba ka mangasunge na ni zavura rogo gu ba adunga na internet rogoho ya. I namaa vovo apai ku rogo JW Library ti aregbo dunduko, si naida mo naangera rogo internet dedede tipa gu vovo apai kaa kura na kini rimisihe ku rogo gamo terefuni.

TIPAGINE SI AIDAHA TI NI? JW Library nasaha taata fu boro nimangi gani wisigopai nisase na kaa pekafuo agu ambakadapai nga ga dungurati. Na si naundo a gene tungusapai yo, gbe ho ani amanga dezirepai ni angianga kuti asinoho ya.