Wa vura duhe nga Pumbo Susiri aarunga kuba Tingida Pakpio Yesu te, kura apaparaha kinaho du na rogoyo ti ni furani. Ni kpiapai, gu mokedi nangia Pauro ayambu Yesu nga “gaani kandoro Susiri.” (1Kor 5:7) Kina wai gu kure kandoro naadu ti ngua ngbadimo abatasi unga, kinawo a kure Yesu abatasa unga. (Gate 12:12, 13) Berewe a, meme gu kandoro naadu tipa Pumbo Susiri aakuonga te. Teketeke a, meme Yesu aakuonga kandara sa te, wa si avura du ni sino nga ga kuo meme agu aboro i anaaimo yo tipa gbegberẽ apai.—Gate 12:46; Yo 19:31-33, 36.