RAKA NI AKRISTANO
Oni Yugu gu Umbasitise Gbiati gu du ni Bayee Naadu ti Kristo
Wa vura duhe nga Yesu nga gu bakerepa kumba kisusi naraki, ko ayugu du ni bayee na ki du na umbasitise ni taasa ko rimo Yekova. (Yo 7:16-18) Ono tipa Satana tigako, ko ada ni Bakitingbanga, nga gu du rogoyo nga “Bape ziree.” (Yo 8:44) Ga Satana asino adu ni yuguyuguhe rogo aFarusi yo, nga aguyo gayo rukö asa yo i nibi ai gu boro naadu na idapase kuti Masiya na pani kusende. (Yo 7:45-49) Wai gu rengbe ani ka wirika Yesu ho ani agbia amomu ni watadu asunge rogo dungurati?
ONI BI GU VIDIO NGA “ONI KPI NYEMU AKUARONI”—ONI MBU KPIHE GBIATI ABIATISE, BAMBATA PAPARAHA, FUOHO ONI KI SAKIPAI TIPA GIPAI DU KUSENDE RE:
Wai gu Alex ayugu gu sino nga ga rukö?
ONI BI GU VIDIO NGA “ONI KPI NYEMU AKUARONI”—ONI MBU KPIHE GBIATI ABIATISE, UE PAPARAHA, FUOHO ONI KI SAKIPAI TIPA AGI APAI DU KUSENDE RE:
Wai gu Alex ayugu umbasitise?
Wai gu Alex angarasi Bill gbiati Carl?
ONI BI GU VIDIO NGA “ONI KPI NYEMU AKUARONI”—ONI MBU RUKÖ GBIATI MANGA GBEGBERẼ APAI, BAMBATA PAPARAHA, FUOHO ONI KI SAKIPAI TIPA GIPAI DU KUSENDE RE:
Wai gu Wiriba Harris azanga yugo umbasitise?
ONI BI GU VIDIO NGA “ONI KPI NYEMU AKUARONI”—ONI MBU RUKÖ GBIATI MANGA GBEGBERẼ APAI, UE PAPARAHA, FUOHO ONI KI SAKIPAI TIPA AGI APAI DU KUSENDE RE:
Wai gu Wiriba Harris ayugu umbasitise?
Ginipai ga Wiriba Harris kpiapai ayuguhe fu Faye?