Ziazia Toro Azorõ Kurii gu Dungurati Nga ga AKristano

2:1-8, 14, 37, 38, 41-​47

Badungu agu aYudo naadu Yerusarema yo ti regbo Pendekote 33 F.B.K. aye rogo kura aringara. (Amo 2:​9-​11) Wa vura duhe nga i anaapekafuo ga Moize aNdiko apeka, si rengbe kadu nga i araki gayo raka naabaha kina rogo kura aringara. (Yere. 44:1) Sidu, aguyo aima rengba kaa ngera na kini fura wakina agu aboro naadu rogo gu ringara i aye rogoho angianga wa aYudo ya. Ho aboro 3,000 azi bapatiza ni dagba gi ndurumo aboro naaye rogo dungu aringara re, nibasa, gu dungurati nga ga aKristano ada na aboro rogoho apai adu tipa yo ni bakiakia. Wa i avura du na apai tipa yo ni bakiakia, “i adu kina ku bani yekaru yo.”​​—⁠Amo 2:​46.

Wai gu rengbe mo ka yugo dudunguro nyemuse tipa . . .

• agu aboro du rogo gamo dagbarago nga aguyo ye rogo kura aringara?

• awirina rogo gamo dungurati nga aguyo ye rogo kura aringara?