“Gamahe Ngbabee fu Yekova”

Wai gu rengbe ani ‘ka kpara tirani fu Yekova areme’ watadu kafu gamahe? (1Pka 29:​5, 9, 14) Agene gudu kusende re nga gu rengbe ani ka sia kafu gamahe ngbaha tipa ka songoda gu sunge nga ga aDezire Yekova rogo gaani dungurati na gu namanga rogo zegino dunduko.

GU GAMAHE I AFUHE ROGO INTERNET WATADU ROGO ASANDUKI GAMAHE NASONGODA:

• 

  GU SUNGE NAMANGA ROGO ZEGINO DUNDUKO

  meka abe-basunge na agu aba i asa fugo rogoho na kini ngerefuoho

  agu asukuru nga ga siokrasia

  kparakpara abamangisunge Kindo ti aregbo dunduko

  undo ti regbo gberãngo

  kusa awaraga, kusa avidio, na maa awaraga rogo Internet

• 

  AGU AHE DUNGURATI AIDAHA

  agu ahe dungurati aidaha, wa agu ahe si aida i ngbekehe gbiati mbakada agu ahe nagberã ti Bambu Kindo

  agu amarã dunduko dungurati adakutipai tipa ka kedaha ku be-basunge yo tipa:

  • meka aBambu Kindo na aBambu Bakere Dunguratise

  • gu Mbakadapai du Tipa fu Undo Rogo Zegino Dunduko

  • kura asunge nga gu namanga rogo zegino dunduko

BAKERE DUNGURATISE NGA GA AˈURU BIATA NA GA URU SA

Gu gamahe i afuhe ti regbo gaoni bakere dunguratise nga ga aˈuru biata i nakedaha tipa gu sunge namanga rogo zegino dunduko. Agu amarã nabipa bakere dunguratise nga ga aˈuru biata, kparakpara bakere dunguratise na gu kikindigi adunguratise nga ga dungu aringara tigaha, i natumo ho na gu gamahe i afuhe tipa gu sunge namanga rogo zegino dunduko.

Gu marã i afuhe tipa gu badona nga ga adungurati, i namangasunge na ni ka tumo ba tipa bakere dunguratise nga ga uru sa, agu apai si aidaha tipa bakere dunguratise, na ka ngerafuo gu ba i amanga bakere dunguratise rogoho na tipa kura apai. Badona adungurati ima rengba ka diaberã ka keda gu yangara marã ka nye tipa gu sunge namanga rogo zegino dunduko.