Oni Mbu Kuru Borose Kusayo, na ki Ukadi Tironi na Vovo Borose

3:5-14

Ya mo mo amangi bakere aˈariapai rogo asino ro yo ho mo aye ni ku rogo rengo? Mo ima rengba ka du na kido nga rago aima ngba ti Yekova na gu ome mo amangihe re. (Yeze 33:11) Ono tie, si naida na asadatise aida kindi tipa ka sa gupai nga ka kuru borose karaganga tihe berewe ya na kini kakuti yugo vovo borose. Mo karagapai kuti agi asanahe re tipa ka bi agu abangiriba rengbe mo ka manga aˈariapai rogoho:

• Ya mo mi nakpipai kuti gu boro ingipai kuti re?

• Ya mo mi naayugo zerangbaduse, ho mi amangapai ni ni ipo watadu ho du mi ni na mbugo?

• Ho wasiwasi pai ni naye ni ku berãre yo, ya mo mi naaˈasada ka diaha ni wiri ipo berãre yo kusayo?

• Ya mo mi na gbegberẽ bipai tipa agu aboro du na rangi kpotoyo kia watadu aguyo du gayo ringara kia?

• Ya mo mi furanga fu boro barambeda ngba gbegberẽ gene watadu ka zinga?