“Oni Bérẽ pa Agi Apai Re”

Gini apai? AFiripoio 4:8 nagumba gupai nga ani berẽpa agu apai du ni rengo, agu apai rengbe na irisa, agu apai du ni wene sino, agu apai ngba bangirise, agu apai i naya ti ni si ngba, ziazia apai, na agu apai si aida i fu tambuahe ti ni. Gere ayugongo gupai nga si naida aKristano naaberã kina kurii Baibiri ti aregbo dunduko te. Ono tie, agu apai ani aberãkuriihe, si naida si du ni agu apai nasa ngbarago ti Yekova. Si aidanga ani berẽkurii agu apai nika saha furani ni mbumbuhe ani du niruru rani fuko te.—Tam 19:14.

Si ima rengba kadu furani ni mbumbuhe ka ne gbegberẽ aũngbarago. Si naida ani sovura kuti gaani zangarengba gbiati gu zubohe a nga ga Satana du nga “mbori gi zegino re.” (2Kor 4:4) Bambiko Satana du du na maapai kurii gu badungu apai du rogo terevizioni, radio, Internet, gbiati agu apangbanga du ni kekehe ti awaraga. Ka ani asiakanga agu ahe asiaka ani ahiiso berãrani na ni ya, si nika gbarasa gaani berã na ni yangaraha, si kidu na maapai kurii gaani mangapai.—Yak 1:14, 15.

ONI BI GU VIDIO NGA, ONI NÉ AGU APAI NAGBARASAPA DU NI RURUSE​—GBEGBERẼ AŨNGBARAGO, NA FUOHO, ONI KI KARAGAPAI KUTI AGI ASANAHE DU KUSENDE RE:

• 

  Ginihe du gu wirina re aabihe rogo gako terefuni, na wai du si adu na maapai kurii ko?

• 

  Wai gu AGaratio 6:7, 8 gbiati Atambuahe 119:37 aundo ko?