Ani Nayugo Nyemuse ni Songoda Ani ga Yekova Rugute

Kusa boro kusayo rogo dungurati nabanda dungurati na kini fu rugute fu gu boro aidanga ka sa berãni ya. (1Kor 5:6, 11) Ani nayugo nyemuse ho ani asongoda gi ngbatunga rugute ni naye be Yekova re. Wai gu rengbe gipai re kadu wo baraho kusa boro kusayo rogo dungurati aye ni na imisiri fu aboro dunduko, kodihe na mbembedi agume gbiati rondo sarangbanga?

Ni bambatapai, ani nayugo nyemuse tipa rimo Yekova na gako ziazia arugute. (1Pet 1:14-16) Ani nayugo nyemuse a fu gu boro kusi yo ni kusayo rogo dungurati. Wa vura duhe nga, nyanyaki rugute naigirã aigirã, si ima rengba ka fu ‘zuzu zereda, nga gu zuzuhe nga ga rurupai.’ (Eb 12:5, 6, 11) Ka ani aakodatirani na gu boro kusi yo ni kusayo rogo dungurati watadu kpara tini kusayo ti dungurati, gure nga ani nasovura kuti ga Yekova rugute. Oni tingidi gupai nga, Yekova nafu mbusa fu gako aboro rogo “ruru ringbisahe.” (Yere 30:11) Wa ani kaa songoda ga Yekova rugute na kini banda manga gu gaani apai nga ga toro, ani nikaa maabangirani nga gu boro re nika karaga tini fuo gu Barani du na inapai.—Yes 1:16-18; 55:7.

ONI BI GU VIDIO NGA ONI BANDA DU NIRURUSE NA NGBADURONIYO KINA SA, NA FUOHO, ONI KI KARAGAPAI KUTI AGI ASANAHE RE:

• 

  Gini ngbatunga imisiri agu avunguagude nga aKristano nidu na ni ho wiriyo ambu Yekova ni?

• 

  Wai gu rengbe dungurati ka songoda agu aborokporo du ni ruruyo?

• 

  Gini pangbanga nga ga Baibiri nayugo gupai furani nga du niruruse fu Yekova du na nyanyakipaha kisusi du niruruse fu gaani aborokporo?

• 

  Wai gu ani amaa gaani du niruruse fu Yekova si du ni bambatapai fu du ani ni rururani fu gaani aborokporo?