Ya Mo Mo na Nyemu ka Hiiso gu Fuomu du Tipa gu Gu Sukuru Du Tipa Abatungusipa Kindo?

Ya mo garã ro bangbanda 23 kuti 65 na mo kini mangisunge tungusapai ti aregbo dũ? Ya mo Kpotoro wenengai, na mo ima rengba ka mangasunge rogo gu ba du na bakere zingo rogoho? Ka gamo karagapai ngia ii tipa agu asanahe re, ya mo mo aberẽnga pa fu rimoro tipa ka ndu tipa Gu Sukuru Du Tipa Abatungusipa Kindo? Natona ti gu regbo i atona manga gi sukuru re, dungu arogotise, abakuparanga na anakuparanga ima fu rimoyo tipaha. Ono tie, ani naida badungu abakuparanga tipa i fu rimo yo tipaha. Mo sana Yekova tipa ko undo ro na ki moi nyemu pai ku rogo ro yo tipa mo du na nyemu ka sa ngbarago tiko na ki wiriki Wiriko. (Tam 40:8; Mt 20:28; Eb 10:7) Na mo ki bi wai rengbe mo ka zogosa bete agu apai du tipa ro tipa ka rẽ tipa gu sukuru re.

Gini asunge agu aboro nandu tipa gu sukuru re nagbiaha tingbafuo yego yo ba gu sukuru re yo? I ima keda bete agu aboro ndu tipa gi sukuru re i ndu ka tungusapai rogo agu aba i ape kura afugo rogo watadu tungusapai rogo gu ba du na dungu aboro rogoho. Bete aguyo nada kusa ni agu aboro naundo ababi adungurati watadu ni ababi adungurati na aguyo kini da ni amokedi. Wa mo nikaa berãkuriipa mangasunge fu Yekova mo du nga adu na gu bipai naadu ti gu nebi nangia Yesaya naya: “Mi du re! Mo kédi re”—Yes. 6:8.

ONI BI GU VIDIO NGA AGU AMOKEDI DU ATI YO NGA AGU ABAMANGISUNGE NAKE AHE, NA FUOHO ONI KI KARAGAPAI KUTI AGI ASANAHE RE:

• 

  Wai gu i asia amokedi?

• 

  Gini wene sunge agu amokedi du ati yo amangaha?

• 

  Gine bete amaku du ti sunge amokedi?