Mangasunge na Akpiapai Tipa ka Kusa Memepai

Ho ani akaraga tirani ni fuo aboro watadu ka wirika Ziazia Kekeapai na yo, si naida ani undo yo tipa i rugutiyo na memepai. Ni mangasunge na akpiapai tipa ka kusa memepai, ani rengbe ka fõngbaduyo yo na ki saha taata fuyo tipa i tingidi agu apai ani ayugoho.

Ho mo ambakada tiro ni tipa ka karagatiro fuo boro watadu ka wirika Ziazia Kekeapai, mo siaka memeapai nga gu mo aida ka yugoho na kpiapai, angianga futufutu apai ya. Mo mangisunge na gu taata akpiapai namanga rogo ga aboro raka yo na auru dunduko. (Mt 5:14-16; Mk 2:21; Rk 14:7-11) Mo gbeberã ro tipa agu apai du tipa gu boro re gbiati agu apai ni amangaha. (Rk 5:2-11; Yo 4:7-15) Ho mo nika bi gupai ni nga ni na ngbarago mbiko gupai nga ni rugutini na memepai, mo nika du na ngbarago.

ONI MOI GU VIDIO NGA, ONI GBIA GU NGBARAGO DU TI SA ABORO NI ABAWIRIKI—ONI MBAKADI GAONI GENE TUNGUSAPAI—MANGASUNGE NA AKPIAPAI TIPA KA KUSA MEMEPAI, NA FUOHO, ONI KI KARAGAPAI KUTI AGI ASANAHE RE:

• 

  Tipagine si narengbe ka ida i undo bawiriki Ziazia Kekeapai ti ni tipa ni girogo agu averesi yo nga ga Baibiri?

• 

  Waigu Neeta amangisunge na kpiapai tipa ka yugo gu rengo du rogo ARomo 5:12?

• 

  Gini sangbanapai rengbe mangasunge na wene kpiapai kadu na ni kurii gu boro nadegatuni furani?

• Tipagine si aida ani mangisunge tini ho du ani ni gene tungusapai yo na avidio gbiati gu kura aũsunge nga ga yugopai ga Yekova riigbu kusaha?