Oni Yugupai Zaaza

Padu boro zaaza nasa gupai nga kura aboro du zaaza a. Ho ani afura ni zaaza, aboro nika gbe berãyo kuti gupai ani agumbaha. Na berewe a, si nayugo gupai nga ani nabi gu pangbanga ani apehe na nyanyakipaha. Wa vura duhe nga ani asono ni bakiakia na asino rani ni bakiakia, ani ima rengba ka sonosa gu sino nga ga du zaaza. (Rom 12:11) Waigu rengbe ani ka mangaha?

Ni bambatapai, mo berẽkuriipa wai du gamo pangbanga na nyanyakipaha. Mo na gu momu nga ga tungusapa “wene pangbanga wene ahe!” (Rom 10:15) Ni uehe, mo berẽkurii gu wene sangbanapai rengbe gu wene pangbanga re kadu na ni kurii agu aboro na degatuyo foro. Si naida aida nzunzu i gi gupai mo agumbaha. (Rom 10:13, 14) Ni yangaraha, mo fura zaaza, mo niiyaki abero ngba wene gene na kpakpuro yo kini yugu gu bipai du mo na ni tipa gupai re.

ONI MOI GU VIDIO NGA, ONI GBIA GU NGBARAGO DU TI SA ABORO NI ABAWIRIKI—ONI MBAKADI GAONI GENE TUNGUSAPAI—ONI YUGUPAI ZAAZA, NA FUOHO, ONI KI KARAGAPAI KUTI AGI ASANAHE RE:

• 

  Ginipai naimi gu bakere nyemupai Neeta adu nani tipa gari wirika Ziazia Kekeapai na Jade?

• 

  Ginipai naundo Neeta ri tona du zaaza berewe?

• 

  Tipagine si aida ani moiberãrani ti ni tipa gu wene asino du ti agu aboro nadegatuyo furani?

• Gini sangbanapai rengbe padu ani zaaza kadu na ni kurii gaani abawiriki Ziazia Kekeapai gbiati kura aboro?