MO FU TIRO SA SUNGE TUNGUSAPAI | ONI KIISI GAONI NGBARAGO TINGBA SUNGE TUNGUSAPAI
Oni di Undo Kugume be Kura Aboro
Tipa ka undo rani, Yekova ima fu ‘awirinarani’ rogo zegino dũ. (1Pet 5:9) I ima rengba ka undo rani ani dibe agu akpakarapai ani agbiaha gene tungusapai yo na ani kidu na diabese. Ni kpiapai, gu mokedi nangia Pauro agbia undo be Akuira na Puriseka, Sira, Timoteo, na agu akurayo.—Amo 18:1-5.
Wai gu rengbe kura awirinamo ka undo ro gene tungusapai yo? I ima rengba kafu agu aberãpai foro rengbe ka undo ro mo di be atikango, wai ka karaga tiro fuo boro, watadu wai ka wisigo Ziazia Kekeapai na boro. Mo berẽpa gu boro rogo gamo dungurati nga guni rengbe ka fu gu undo foro mo aidaha, na mo ki sana ni tipaha. Zanga kapa, oni dunduko nika gbia undo, na oni ki fubee sa gu ngbarago nga ga akuaroni.—Frp. 1:25.
ONI MOI GU VIDIO NGA, ONI GBIA GU NGBARAGO DU TI SA ABORO NI ABAWIRIKI—ONI DI GU UNDO KUGUME YEKOVA AFUHE —AWIRINARANI, NA FUOHO, ONI KI KARAGAPAI KUTI AGI ASANAHE RE:
Waigu Neeta ni asadi ka ngarasa Jade ri ndu tipa agu adunguratise nga ga dungurati?
Tipagine si aida ani yambu kura abatungusipai ti ni tipa i ye kadu pati wirikapai na gaani bawiriki Ziazia Kekeapai?
Dungurati naabaha nafubee kuti pa sa boro ni bawiriki
Gini apai naadu kina sa tipa Jade na Abigay?
Gini kura abirĩ tungusapai kura awirina narengbe ka yugoho foro?