Agu Apai Ani Awirikaha ti gu Raka Nangia ga Samuere

Samuere anye ni ruruko fu Yekova rogo gako raka yo dunduko. Mbu ko ni gude, ko aima ká ka rimiso tiko kurogo gbegberẽ mangapai wa agu awiri Eri nangia Ofeni na Finasa. (1Sam 2:22-26) Wa Samuere asona, Yekova adu na ko. (1Sam 3:19) Ho ko adu ni ni gbinza kumba, ko andu kindi kumbatayo kaa iriso Yekova ni ruruko, wa vura du he nga awiriko aamangaha wo te.​—1Sam 8:1-5.

Ginipai rengbe ga Samuere kpiapai ka yugoho furani? Ka si du nga paranga boro nga mo, mo du na gu kido nga Yekova ima ino agu akpakarapai mo agbia tiro nani. Ko ima rengba ka undo ro mo du na ngarã. (Yes 41:10, 13) Ka si du nga mo nga gu vungugude wirini naima mbu iriso Yekova, mo gbia wasa ti ino mo gupai nga Samuere amanganga sosono awiriko ngbaome tipa i nye ni ruruyo fu Yekova te. Ko ambu agu apai re ku be Yekova, ki banda pa gako du ni ruruse na ki fu ngbarago fu gu Bako du ngbangbaturũ yo nga Yekova. Isoke gamo wene kpiapai ima rengba ka sa wiro ni karaga tini fuo Yekova.

ONI BI GU VIDIO NGA ONI WIRIKIPAI BEYO​—SAMUERE, NA KI KARAGAPAI KUTI AGI ASNAHE RE:

• 

  Waigu Samuere ayugu ngarã mbuko ni paranga gude?

• 

  Waigu Danny ayugu ngarã?

• 

  Waigu Samuere amoi wene kpiapai wa ko angia gbinza bakumba?

• 

  Wai du avungu Danny amoi wene kpiapai?