Rogatise​—Nga Nyenye Kodatise

Gu rogotise nga ga aKristano du na diabese nafu taarimo fu Yekova na si naye na ngbarago fu kumbakudee na diako. (Mk 10:9) Tipa ka hipai na ki gbia ngbarago rogo rogatise yo, si naida aKristano mangipai kuti gu bangua arengo nga ga Baibiri ka sia gayo badiarogatise.

Si naida boro tona mbakadapa rogatise ni na ‘susi rago paranga ni,’ ni nga gu regbo du boro na bakere nyemu kodaba, nga gu rengbe ka sa ni ka ni mangingo wene diaberã ya. (1Kor 7:36) Mo mangipai na tatamana ho du mo ni ni bakuparanga ka nyakasa gamo pagume na Mbori na ki sonosi agu asino nga ga aKristano. Ka mo mangihe wo, mo nika du na rengba ka manga dungu apai tipa ka sa gamo rogotise si du na diabese.

Mbata fu mo idi ka manga rogotise na boro, si naida mo mangi agu apai si aida mo mangihe tipa ka ino “gu okooko boro du kpoto yo.” (1Pet 3:4) Ka si du nga kpakarapai kuru, oni sakihe na gu boro mo aida ka manga rogotise na ni. Rogo rogatise yo, si naida mo moiberãro tipa guhe rengbe mo ka fuhe kuba gu nga kaa maaberã ro tipa gupai rengbe mo ka gbiaha. (Frp 2:3, 4) Ka mo mangipai kuti gu bangua arengo nga ga Baibiri mbata fu manga mo rogatise, si nika du foro taata mo naandu kumbatayo kindi kaa manga gipai re tifuo manga mo rogatise na kidu na ngbarago rogo gamo rogatise yo.

ONI MOI GU VIDIO NGA MBAKADATISE TIPA ROGATISE— BIATA PAPARAHA: ‘ONI WISIGI PAHA,’ NA FUOHO ONI KI KARAGAPAI KUTI AGI ASANAHE RE:

• Waigu ga gu wirina re mbakadapai aandu kumbatayo na Shane?

• Ginipai ri abihe wa gayo mbakadapa rogatise aandu kumbatayo?

• Waigu avunguri aundo ri, na gini diaberã nga ga tatamana ri amangihe?