Wai du Zereda Nika ye ku Auru Kpotosende?

Ga Ziazia Kekeapai karagapai

Zereda nika ye aye ku auru kpotosende, angianga mbiko gu ome nga ga wiri aboro ya, ono mbiko ga Mbori Kindo, nga gu zogarago du ngbangbaturũ yo du gaha bazogo nga Yesu Kristo. Mo bingo gupai Ziazia Kekeapai ayugoho furani tipa gi wene maabangirise re.

1. Mbori nika mangapai tipa “avura nyasi digida kpotosende yo,” rogo gi gene re, ko ki digisi gu gako kidohe du tipa ka ye na ‘zereda ku auru kpotosende fu agu aboro rago angba tiko na yo!’—Atambuahe 46:9; Ruka 2:14, Good News Translation.

2. Ga Mbori Kindo nika zogarago ngbangbaturũ yo ku auru kpotosende dunduko. (Daniere 7:14) Wa duhe nga si nika zogarago ku auru kpotosende dunduko, si nika dia gupai kusayo nga ga kiisopa ringara, du nga mburu dungu atagbagapai.

3. Yesu nga Bazogo ga Mbori Kindo, i nayambako nga “Gbia Zereda,” na ko nika maaberãko tipa gupai nga “pa zereda digidaha adú nga ti ni te.”—Yesaya 9:6, 7.

4. I ambunga agu aboro du na nyemu kaa takpata i raki tiibe ga Mbori Kindo te, mbiko ‘mbisimo [Mbori] nasoga airazuu.’—Atambuahe 11:5; Asanza 2:22.

5. Mbori nayugopai fu gako azogo tipa wai ka raka rogo zereda yo. Nibipa gupai re, Ziazia Kekeapai naya: “I atá gayo abasape ni marã sopabino, na gayo abaso ni marã kuya ngua; rikaaboro amófa nga basape kuti gu rikaaboro te, i awírika nga pa sovura berewe a te.”—Yesaya 2:3, 4.

Areme, amirioni aDezire Yekova nawirikapai be Mbori tipa ka du na zereda. (Matayo 5:9) Wa vura duhe nga angbatunga rani ni bakiakia na ani naraka rogo aringara niima susa 230, ani naka ka sovura kuti akuarani.